Mancomunidade de Terras de Pontevedra

  • Inicio
  • qué ver
  • Casco Histórico de Pontevedra

O centro histórico de Pontevedra, declarado Conxunto Histórico-Artístico en 1951, é un dos mellores conservados de Galicia, xunto co de Santiago de Compostela, e testemuña indiscutíbel do esplendor medieval da cidade, cando Pontevedra aínda estaba profundamente ligada ao mar.

A beleza das súas rúas e prazas encadean a todo aquel que as visita, entre casas populares e de abolengo que revelan o pasado da cidade, con importantes mostras arquitectónicas que conservan o encanto de tempos lonxanos. Durante todo o paseo quedará patente o pasado fidalgo de Pontevedra, ao camiñar ao paso dos numerosos blasóns que ocupan as fachadas de todo o casco histórico.

A praza da Leña, onde antano se vendía a leña para quentar as cociñas, recolle os tres pazos que actualmente albergan o Museo Provincial, recoñecido como un dos museos máis representativos da historia, a arqueoloxía e a arte galega. A un paso, a praza de Verdura -onde até fai poucos anos se podían mercar os produtos do campo- convértese nun dos centros neurálxicos da vila, punto de encontro para tomar un refrixerio antes de continuar o noso paseo deica a praza do Teucro, nome do arqueiro grego ao que se lle atribúe a fundación de Pontevedra.

Baixando deica a beira do río chegamos á praza de Mugártegui -xusto antes de chegar á praza de Abastos- onde se atopa o pazo que actualmente ocupa a sé do Consello Regulador da Denominación de Orixe Rías Baixas, bandeira do coñecido viño Albariño da zona. Seguindo o noso percorrido, na parte máis alta do casco histórico, atópase a espectacular praza da Ferraría, onde antigamente os artesáns traballaban a forxa, hoxe lugar de encontro de moitos dos espectáculos que se organizan na cidade, e que acolle, entre outros edificios, o Convento de San Francisco, cos seus fermosos xardíns.

Amén de pola representatividade e excelente estado de conservación da súa arquitectura civil, o casco histórico de Pontevedra destaca pola súa non menos importante arquitectura relixiosa. Así, as ruínas do antigo Convento de San Domingos, malia a que hoxe só conservan parte do seu esquelete externo e a cabeceira do antigo templo, son consideradas o mellor expoñente do gótico galego.

Preto das ruínas de San Domingos atópase a Basílica de Santa María a Maior, declarada Monumento Nacional, da que cabe suliñar a portada plateresca de excelente talla mandada construír polo antigo Gremio de Mareantes no século XV, onde aparece representado o Cristo da Boa Viaxe, ao que os mariñeiros se encomendaban antes de partir ao mar.

Ademais cabe sinalar varias igrexas conventuais representativas, como a de San Francisco, a da Peregrina, con planta en forma de concha de vieira como símbolo dos Camiños Xacobeos- e, algo máis lonxe, máis abaixo da praza da Leña, a de Santa Clara e a de San Bartolomeu.

Audioguía do Centro Histórico de Pontevedra

altavozDescargar audioguía do Centro Histórico de Pontevedra

Héroes de Pontesampaio

11 herois de ponte sampaio

Situado á entrada da Alameda fronte á Casa Consistorial de Pontevedra, o Monumento dos Heroes de Pontesampaio, construído en 1911, rememora a vitoria sobre as tropas francesas de Napoleón en 1808.

Seguir lendo

Museo de Pontevedra

03 museo de pontevedra

 

Tanto pola calidade como pola variedade dos seus fondos o Museo de Pontevedra está considerado como un dos museos provinciais máis importantes de España. Foi fundado en 1927 baixo os auspicios da Deputación Provincial presidida por Daniel da Sota e Valdecilla, o Museo de Pontevedra é tamén un destacado centro de investigacións e alberga un arquivo e biblioteca dos máis valiosos de Galicia. O percorrido polos seus edificios e salas é unha visita a historia, a arqueoloxíaa e á arte galegos.

Seguir lendo

Praza do Teucro

07 praza do teucro

 Segundo conta a lenda, o arqueiro grego Teucro, medio irmán de Ajax, logo da Guerra de Troia, viaxou a Occidente e fundou a cidade de Pontevedra. A elite renacentista da cidade deulle ánimo a este mito para ennobrecer e prestixiar a vila. Nesta praza, unha das máis fermosas de Pontevedra, podemos contemplar varios edificios interesantes como o Pazo dos Gago e Montenegro e fronte a el, o Pazo do Conde de San Román.

Seguir lendo

Santuario da Peregrina

06 a peregrina

 

O Santuario da Virxe Peregrina, no que se venera á nosa Señora a Virxe Peregrina, é un dos edificios máis representativos da cidade de Pontevedra. Construído no século XVIII, a súa planta recorda a forma dunha concha de vieira, símbolo universal da peregrinación a Santiago

Seguir lendo

Pazo de Mugartegui

17 pazo de mugartegui

 

Está situado na Praza da Pedreira, así chamada polas actividades da talla de pedra que aquí desenvolvían os canteiros da cidade. Construído durante os séculos XVII -XVIII, o Pazo de Mugartegui é un precioso exemplo da arquitectura urbana do barroco.

Seguir lendo

Praza da Leña

02 praza da leña

A Praza da Leña é un dos emprazamentos mais pintorescos, visitados e fotografados do casco histórico de Pontevedra. No pasado era un punto do comercio da leña,  pero na actualidade hai multitude de locais de tapas con pracenteiras terrazas onde podemos gozar da rica gastronomía da zona. 

Seguir lendo

Basílica de Santa María A Maior

13 basilica santa maria

 

A Basílica de Santa María é sen dúbida o mellor exemplo de arquitectura relixiosa de toda a cidade. Construída no S. XVI a iniciativa do Gremio de Mareantes, conxuga o gótico tardío co Renacemento. Chea de lendas, as pedras da súa fachada acollen representacións tan singulares como unha vista da cidade en pedra ou un santo con anteollos.

Seguir lendo

Praza da Ferraría

04 praza da ferraria

 A Praza da Ferrería é sen dúbida unha das prazas máis emblemáticas, populares e queridas de Pontevedra. Foi chamada así porque no pasado os profesionais que traballaban o ferro, os ferreiros, tiñan o seu negocio baixo os soportais da praza. É un lugar de encontro, de actos culturais ou de xogo para os pequenos, e onde están algunhas das terrazas de mais sona da cidade.

Seguir lendo

Convento de San Francisco

05 convento de san francisco

 

Construída case na súa totalidade no século XIV, esta igrexa conventual dos franciscanos é unha obra mestra da arte das ordes mendicantes que chegaron á cidade na época do seu primeiro esplendor. Foi declarada monumento histórico-artístico en 1896. No seu interior podemos destacar a sepultura de Paio Gómez Charino, trobador, almirante do mar, pertencente a unha das familias nobres da época.

Seguir lendo

Ruínas do Convento de San Domingos

10 convento de san domingos


Considerado como un máximos exponentes do gótico galego, as ruínas de San Domingos de Pontevedra, gardan os restos da igrexa e do antigo convento de Santo Domingo construído no século XIII polos Dominicos. Na actualidade é un dos edificios pertencentes ao Museo de Pontevedra e dentro alberga unha grande variedade de elementos de gran valor artístico e histórico, coma os sarcófago do famosos personaxe Pedro Álvarez de Soutomaior, Pedro Madruga.

Seguir lendo

  • 1
  • 2

Logo de Terras de Pontevedra GaliciaLogo de la Xunta de Galicia Logo de la Unión Europea